റോയിമണ്ണൂർ, യു. സ്സ്. എ

നീണ്ട വർഷങ്ങളായി ഭവനത്തിലും ആശുപത്രിയിലുമായി മാറി മാറി ജീവിതം തള്ളിനീക്കുന്ന സഹോദരനാണ്‌ ചണ്ണപ്പേട്ട മണക്കോട് സ്വദേശി ഡാനിയേൽ ബേബി എന്ന ബേബിക്കുട്ടി(49). മറ്റേവരേയും പോലെ വളരെ പ്രതീക്ഷയോടെ ഗൾഫിലെത്തി ജോലിയിലായിരുന്ന സഹോദരന്റെ ജീവിതത്തിലേയ്ക്ക് 1994 ൽ അപ്രതീക്ഷിതമായി കടന്ന് വന്ന വൃക്ക രോഗം ഒരു നീണ്ട ദുരന്തം പോലെ തന്നെ ഇപ്പോഴും വേട്ടയാടുകയാണ്‌. പ്രാരംഭചികിത്സകൾക്ക് പിടികൊടുക്കാതെ രോഗം മൂന്നേറിയപ്പോൾ ഡയാലിസിസ് വേണ്ടി വന്നു. 4 വർഷമായി കൊട്ടിയം ഹോളിക്രോസ് ഹോസ്പിറ്റലിൽ ആഴ്ചയിൽ രണ്ട്‌ പ്രാവശ്യം ഡയാലിസിസിന്‌ വിധേയനായാണ്‌ ഇപ്പോൾ ആ ജീവിതം മുന്നോട്ട് നീങ്ങുന്നത്. നീർ വീക്കവും ക്ഷീണവും തളർച്ചയും പേറുന്ന ആ ശരീരം കൊണ്ട്‌ ജോലി ഒന്നും ചെയ്യാനാവുകയില്ല. നിസ്സഹായയായ ഭാര്യയും വിദ്യാർത്ഥികളായ 3 പെൺകുഞ്ഞുങ്ങളുമാണ്‌ തനിക്കുള്ളത്. കയ്യിലുള്ളതെല്ലാം ചികിൽസാർത്ഥം നഷ്ടമായിക്കഴിഞ്ഞു. മറ്റുള്ളവരുടെ സഹായ സഹകരണങ്ങൾ കൊണ്ടാണ്‌ ചികിത്സ ഇപ്പോൾ നടന്ന് വരുന്നത്. മുന്നോട്ടുള്ള ജീവിതവും നന്നായി പഠിക്കുവാൻ ആഗ്രഹമുള്ള കുഞ്ഞുങ്ങളുടെ ഭാവിയും തന്റെ മുമ്പിലൊരു ചോദ്യചിഹ്നമായി മാറുകയാണ.​‍് ദൈവത്തിന്റെ മഹാകരുണയാൽ ജീവൻ നിലനിൽക്കുന്നു എന്ന് വിശ്വസിക്കുകയും അനുദിനം പ്രാർത്ഥനാ നിരതനായി മുന്നേറുകയും ചെയ്യുന്ന ഈ സഹോദരന്‌ ഈ സന്ദർഭത്തിൽ പ്രിയപ്പെട്ട ദൈവമക്കളുടെ ആത്മാർത്ഥമായ പ്രാർത്ഥനയും സഹായ സഹകരണങ്ങളും അത്യാവശ്യമായിരിക്കുന്നു.

വിലാസം

ഡാനിയേൽ ബേബി
പള്ളിതെക്കേതിൽ വീട്
മണക്കോട്, ചണ്ണപ്പേട്ട പി. ഒ.
കൊല്ലം.
ഫോൺ: 0475 2305662

ബാങ്ക് അക്കൌണ്ട് 5045
കോർപ്പറേഷൻ ബാങ്ക്
ചണ്ണപ്പേട്ട ബ്രാഞ്ച്

or

C/o. Thoolikaonline